السلام عليكم ورحمة الله وبركاته
ازيكم ... يارب تكونو بخير وتكون قضيتو أيام العيد كويس
النهارده قررت انى ارجع اكتب مرة تانية على المدونة
بقالى كتير مكتبتش مع ان الكتابة هى الحجاة الوحيدة اللى بتطلع اللى جوايا
مع انى برضو وصلت ف وقت من الاوقات انها مش بتطلع اللى جوايا
بس دى محاولة بقى وربنا ييسر
حالياً مش بكتب لهدف معين ولكن عاوز اطلع اللى جوايا وخلاص !
انا اتخرجت السنة اللى فاتت من الكلية وف الفترة اللى فاتت تفكيرى اتغير تماماً
وحاليا هدخل الجيش يوم التلات الجاى كضابط احتياط
كل واحد بقوله كده قالى ليه مشفتش واسطة
وكان ردى ديماً نزعم اننا بعد الثورة وانا رافض الموضوع من أساسه ازاى هقبل موضوع الوسايط والكوسة والحركات دى
وعموما ادينى لبست وانا متأكد ان ده خير ليا
لانى عملت لا أرغب فى ترشحى لضابط احتياط مرتين وبالرغم من ان فى اصحابى كانو يرغبو جداً
بس ربنا مش وفقهم ليها
المهم دلوقتى قدامى حوالى سنتين و ३ شهور مش عارف هيعدو ازاى
بس اكيد هيعدو ان شاء الله
اللى انا عارفه ان عندى أمل ان فى يوم من الأيام هكتب انى خلصت خدمتى العسكرية
يارب اشوف اليوم ده يارب :d
ممممممممم مش عندى حاجة دلوقتى اقولها بس اكيد هكتب حاجة قبل السفر للجيش ان شاء الله
عاوز اعرف بس فى حد لسه بيغلط ويعدى من هنا :)
يالا اسيبكم ناو ... فى رعاية الله :)
4 اللى ردو لغاية دلوقتى:
ايه مهو الفيس وتويتر كانو بيطلعو ال جواك بردو :D
يلا عود حميد وبردو البلوجر هو الاصل :D
ربنا معاك ف جيشك
وانت ممكن تنشق تهرب منه عادي يعني هههههه وهتبقى وطني عشان ضد المجلس هع هع هعع
allah with u :)
يارب يكون الايام اللى جايه ايام سعاده عليك..انت من اكتر الناس اللى ممكن اكون عرفتها وقت قصير بس احترمتها جداا...ربنا يكرمك يارب
@ehab elsharkawy
لا يا باشا زى ما بتقول كده البلوج هو الاساس
وربنا يسترها علينا وع الوطن :))
منورنى
(f)
@Bnota
ربنا يكرمك على الدعوات الجامدة دى
وديماً منورانى :)
إرسال تعليق