undefined
undefined
السلام عليكم
رجعت مرة تانية وبسرعة المرة دى الحمد لله
النهاردة كنت ف الزقازيق وانا راجع ع البيت قابلت احد الاستاذة بتوعى
كنت باخد عنده درس اقتصاد ف الثانوية
المهم بعد السلام واخبارك ايه وانت فين دلوقتى وناوى على ايه
واخبار الأسرة و و و
سألنى هو بابا النهاردة ف مدرسة الثانوية العسكرية
قولتله لأ ... هو ف التوجيه عادى زى كل يوم
قالى اصل النهاردة مجمعين الناس من المدارس علشان يسقطو الاخوان
قولتله وهو ده بقى اللى قافل الزقازيق !
ساعتها افتكرت انى الصبح حوالى الساعة 10 الزقازيق زحمة والعربيات واقفة من عند مجلس المدينة كده
قالى أه - انا معرفش هل ده صحيح ولا لأ -
المهم هو واحد من المعارضين للى حصل وانا بصراحة لما عرفت حيثيات الموضوع
بشعر بالهبل احنا فعلاً حالياً بنمر بمرحلة أهبلة الدولة
المشكلة مش ان الناس تجمع التوقيعات !
المشكلة ان كل المدارس النهاردة وصلها تعليمات بالتجمع
لأ وايه مدير المدرس معاه ورق توقيعات سحب ثقة من غير صناديق ولا بطاطس
لا وكمان دفتر الحضور والإنصراف موجود ف مكان التجمع
اللى هو كان النهاردة ف الثانوية العسكرية ف الزقازيق
وطبعاً او غالباً كل مركز عامل كده
بغض النظر عن معارضتى للأخوان ... بس اللى بيحصل ده هبل
ارحمنا يارب
بس خلاص :)
0 اللى ردو لغاية دلوقتى:
إرسال تعليق